1912 – Presidenti amerikan, Theodore Roosevelt, qëllohet me armë zjarri nga një vrasës i mundshëm në Milwaukee. Ai shpëtoi gjallë nga ky sulm falë palltos së tij të trashë dhe një mori dokumentesh që i mbante në dorë mbështetur në gjoks.

Më 14 tetor të vitit 1947, një avion amerikan ishte i pari që fluturoi me një shpejtësi më të madhe se ajo e zërit. Ky avion u quajt X-One. Avioni eksperimental ishte projektuar në mënyrë të tillë, që të mund të parandalonte shtjellën e ajrit që përplaset në sipërfaqen e avionit me shpejtësinë e zërit. Fluturimin e parë me këtë avion e kreu piloti i forcave ajrore Charles Yeager, i njohur me pseudonimin “Chuck”. Avioni X-One kishte formën e një plumbi, me krahë të shkurtër, dhe atë e lëshuan nga trupi i një bombardieri të modifikuar të Luftës së Dytë Botërore. Kapiteni Yeager i ndezi të 4 motorët e raketës dhe kreu flturimin me shpejtësinë e zërit, duke përshkruar distancën 10 mijë e 500 metra me një shpejtësi rekord prej 1 mijë e 56 kilometrash në orë. Avioni i Chuch Yegar-it ndodhet në Muzeumin Kombëtar të Hapësirës në Washington.

1964 – Lideri i të drejtave njerëzore, Martin Luther King Jr., shpërblehet me çmimin “Nobel” për paqe. Shumën prej 54 mijë dollarësh të këtij çmimi ai e dhuron për të mbështetur të drejtat civile në Shtetet e Bashkuara. King ishte vetëm 35 vjec, më i riu që ka marrë ndonjëherë këtë cmim.

1964 –Gjatë kohës sa ishte në pushime, Nikita Khrushchev rrëzohet nga pushteti në Bashkimin Sovjetik, duke u zëvendësuar nga Leonid Brezhnjev.

1994 – Lideri palestinez Yasser Arafat dhe dy izraelitë – kryeministri Yitzhak Rabin dhe ministri i Punëve të Jashtme, Shimon Peres – fitojnë çmimin “Nobel” për paqe.

1913 ­ Në Vlorë, shpërthen hapur grindja midis Esad Pashë Toptanit dhe Ismail bej Qemalit. Esadi shpall largimin nga Qeveria e Vlorës dhe krijimin e një qeverie të re.

1933 ­ Gjermania naziste tërhiqet nga Lidhja e Kombeve. Në atë kohë Lidhja e Kombeve kishte ndërmarrë nismën për pakësimin e armatimeve mes vendeve anëtare, krejt e kundërta e asaj që Hitleri donte.

1943 ­ Të burgosurit hebrenj në kampin nazist gjerman të shfarosjes Sobibor në Poloni ngrenë krye, duke vrarë 11 roje dhe plagosur shumë të tjerë. Rreth 300 prej 600 të burgosurve u arratisën, dhe vetëm 50 prej tyre mbijetuan deri në fund të luftës. 300 të burgosurit që mbetën në kamp, u pushkatuan të nesërmen.

1962 ­ Një avion amerikan U ­2 me pilot fluturon mbi ishullin e Kubës dhe fotografon raketat sovjetike të afta për mbushje bërthamore duke u instaluar në Kubë.