Girl swimming the crawl stroke

Sportet për të mbajtur trupin në formë janë të shumtë. Meqenësë jemi akoma në ditët e nxehta të verës një nga sportet e rekomanduara është noti. Noti, përveçse është një sport i sigurtë në forcimin e zemrës, muskujve dhe rritjen e fleksibilitetit është edhe një alternativë në rritjen e cilësisë së jetës.

 Ja disa nga të mirat që ju sjell noti:

Forcon zemrën: Të notuarit është një ndër aktivitetet që ndihmon dhe forcon zemrën, pasi përbën një ndër sportet më të pasura me lëvizje dhe teknikë.

Balancon peshën: Të notuarit është i rëndësishëm në ndërtimin e muskujve, si dhe forcimin e tyre. Madje noti ndihmon në zgjatjen e trupit sidomos midis moshës 14-18 vjeç.

Rrit fleksibilitetin: Të ushtruarit e notit, qoftë edhe në një pishinë të ngrohtë bën të mundur tendosjen e muskujve, duke rritur fleksibilitetin dhe zgjatjen e muskujve të ndryshëm në trup.

Ju qetëson psikologjikisht: Ndër të tjera të mira, noti ju qetëson mendërisht duke ju hequr stresin dhe lodhjen e akumuluar.