Më poshtë po rreshtojmë disa pika shumë të rëndësishme për një jetë familjare të shëndetshme, me më shumë komunikim e mirëkuptim.
- Bisedoni – komunikimi është shpesh çelësi dhe hapi i parë për të gjetur zgjidhjet. Tregohuni i qetë dhe i ndershëm rreth shqetësimeve tuaja kur diskutoni problemet me dikë që e doni.
- Pranoni ndryshimet – nëse arrini të kuptoni se njerëzit kanë ide, mendime dhe bindje të ndryshme dhe jo gjithnjë mund të bini dakord, kjo mund t’ju ndihmojë të shmangni konfliktet.
- Argëtohuni së bashku – edhe kur gjërat janë të vështira, është e rëndësishme të gjesh kohë për t’u argëtuar me njerëzit e dashur.
- Bëni plane – mund t’ju ndihmojë të pakësoni stresin dhe të vendosni qëllime të përbashkëta për t’i realizuar. Psh. nëse keni probleme financiare, ndërtimi i një planbuxheti së bashku mund t’ju ndihmojë.
- Kërkoni ndihmë – jo gjithnjë mund të arrini t’i zgjidhni problemet vetë, prandaj duhet të kërkoni ndihmë tek familjarët. Kjo forcon lidhjen midis jush dhe zvogëlon distancat.