Për një kohë të gjatë e izoluar nga regjimi komunist, Shqipëria u hap për turizëm vetëm në vitet ’90. “Vendit të Shqiponjave” nuk i mungojnë argumentet për dashamirësit e historisë, natyrës dhe plazheve, shkruan gazeta franceze “Le Parisien” në një reportazh për Shqipërinë.
Shqipëria, me malet e saj madhështore në tri të katërtat e territorit të saj, me liqene, lumenj, parqe të ruajtura ka një bregdet të madh prej gati 400 kilometrash. Përgjatë bregut të Shqipërisë, ku myslimanët dhe të krishterët jetojnë së bashku, ka ende një mori monumentesh, kishash dhe xhami, të trashëguara nga grekët, romakët, bizantinët dhe osmanët.
Tirana, një kryeqytet heterogjen
Shumica e vendeve që mund të vizitoni janë përqendruar rreth sheshit Skënderbej dhe përgjatë bulevardit të Dëshmorëve të Kombit. Përveç muzeve dhe monumenteve të lashta, interesi i qytetit qëndron në arkitekturën e tij, e cila kombinon me ndërtesa të trashëguara nga regjimi komunist, ndërtesat italiane dhe ndërtesat e fundit me forma dhe ngjyra ndonjëherë ekstravagante. Ne pëlqejmë të endemi nëpër rrugët e modës të lagjes së Bllokut. 500 metra në juglindje të Sheshit Skënderbej ndodhet Rruga “Xhorxh Bush”, ku është xhamia më e madhe në Ballkan, gati për t’u përfunduar.
Vendosja e mrekullueshme e Rivierës Shqiptare
Krenaria kombëtare, bregdeti i shkëlqyer që kalon përgjatë detit Jon (përballë Italisë) e quajtur “Riviera Shqiptare” nga banorët shtrihet mbi njëqind kilometra në mes të Vlorës dhe Sarandës. Bimësi e harlisur, uji i ftohtë, malet që kufizojnë detin, kjo është pjesa më tërheqëse e vendit. Një rrugë, nganjëherë me shumë kthesa, kalon përgjatë bregut ende të egër dhe shumë të ruajtur. Plazhet tona të preferuara: Dhërmi, Jali, Himarë, Borsh, Sarandë dhe Ksamil. Ju mund të praktikoni zhytjen në detin e bukur.
Në Berat, një pasuri unike
“Qyteti i një mijë dritareve” është klasifikuar si një vend i Trashëgimisë Botërore të UNESCO-s që nga viti 2008. Ndikuar nga kulturat greke, sllave dhe myslimane, Berati posedon një trashëgimi kulturore mbresëlënëse: Kishat bizantine dhe xhamitë e dekoruara në lagjet e krishtera dhe myslimane të Goricës dhe Mangalemit, një kështjellë e shkëlqyeshme e kohës, ende e banuar, me korsitë e rrëshqitshme. I fundit? Imazhet mahnitëse të Muzeut Onufri, në zemër të kështjellës.
/ATA/
