Thuhet se duhet të flemë 7-8 orë në ditë, në mënyrë që të përballojmë ditën me energji. Eksperti i gjumit, Dr. Camel Harringtonna ka zbuluar se bëhet fjalë për një gabim të vogël që bëjmë të gjithë.

Ai  thotë se në vend që të fokusohemi te orët e gjumit, duhet të sigurohemi që të kemi një orar zgjimi konstant.

“Pjesa më e madhe e njerëzve, nuk e dinë që orari i zgjimit ndikon në orën kur shkojmë për të fjetur (kur na zë gjumi). Kur shohim dritën e parë të mëngjesit, truri ynë e ndërpret çlirimin e melatoninës dhe është pikërisht ky ndryshim që stabilizon orën tonë biologjike”, shpjegon eksperti.

Është e rëndësishme të rivendosim një orë biologjike dhe të ngrihemi përditë në të njëjtën orë. Nëse zgjohemi përditë në orare të ndryshme jo vetëm që do të na bëjë të flemë më keq, por mund të ndikojë edhe në urinë e pakontrolluar apo mungesën e energjive gjatë ditës.