Në Shqipëri eshtë një zakon i bukur që sa herë që teshtijmë, dikush të na thotë menjëherë “shëndet”. Edhe në Britaninë e Madhe kur dikush teshtin, i thuhet “bless you”, që do të thotë “bekime”.

E keni menduar ndonjëherë përse ndodh që dikush, i cili ndodhet në një ambient me ne, të reagojë menjëherë kur teshtijmë dhe të na urojë shëndet?

Në fakt, teshtima e ka origjinën në vitet 1346, në kohën e pandemisë së madhe të njerëzimit, murtajës, e cila u mori jetën miliona njerëzve në Evropë dhe Azi.

Teshtima ishte një nga shenjat e para të kësaj sëmundjeje të rëndë. Kjo është arsyeja përse sa herë dikush që teshtinte, njerëzit pranë tij i uronin shëndet, jetë të gjatë apo bekimin e Zotit.