Raport: Varësia nga teknologjia, sëmundja mendore e së ardhmes

Raporti i 18 i Kongresit Botërore të Psikiatrisë dinamike që u mbajt në Firence bëri të ditur se varësia nga teknologjia, interneti dhe smartphone janë sëmundjet mendore që do të jenë më të përhapura në 10 vjeçarin e ardhshëm në nivel botëror.

Të tjera janë çrregullimet nervore, si dementia apo amnezia. Në rritje janë problemet psikologjike, me 10% në vitet e fundit, ku përveç kequshqyerjes është dhe depresioni si pasojë e stresit.

“Duke analizuar patologjitë e të ardhmes në nivel botëror, del në pah se shoqëria aktuale është e karakterizuar nga një formë e industrializmit postmodern që është në dëm të cilësisë së jetës dhe gjeneron pasoja patologjike. Duhet të angazhohemi të gjithë se si të përballojmë në të ardhmen dhe ta përmirësojmë”, thotë Vera Slepoj, psikiatre.

Pin It