Besa Llugiqi është artistja shqiptare e cila ka vënë mjeshstërisht në skenën e Operës së Stara Zagora të Bullgarisë, Violetën e “La Traviata”.

Llugiqi mes emocionet  ka shprehur ndjesitë e saj për KultPlus: “Jam shumë e lumtur që gjithçka shkoi mirë, një bashkëpunim i jashtëzakonshëm mes kolegëve, një ndjenjë e bukur ku gjithçka finalizohet me sukses”, ka thënë Llugiqi pas përfundimit të shfaqjes, duke e vlerësuar si një përvojë dhe një rrugëtim mjaft të suksesshëm.

Ajo në fund ka kujtuar  se “La Traviata”, po i lë vend “La Boheme”, pasi  me këtë shfaqje do të ngjitet në skenë në muajin mars, po ashtu në shtetin e Bullgarisë.