Enkelejda Kamani, solistja e Teatrit Kombëtar të Operës dhe Baletit në Tiranë, del fituese e Akademisë se Teatrit “La Scala” 2017­- 2019!

Kamani e nisi karrierën e saj si këngëtare operistike në skenën e Festivalit Operistik Ndërkombëtar “Marie Kraja”, ku juria e vlerësoi me çmimin e parë. Më pas karriera e saj vijoi në skenën e TKOBAP, ku fitoi në vazhdimësi të gjitha audicionet për rolet kryesore të veprave më përfaqësuese të repertorit operistik, ashtu sikurse u vlerësua maksimalisht në audicionin e pak muajve më parë për të qenë soliste e Teatrit të Operës dhe Baletit.