Ajo shkëlqen sa herë del në skenë, mahnit me zërin dhe personalitetin muzikor çdo publik. Sopranoja shqiptare, Ermonela Jaho, u pëlqyr shumë me interpretimin e saj në operan “Madame Butterfly” në teatrin “Real” në Spanjë.
“Ajo arriti të njejtësohet aq shumë me veprën e Puçinit aq sa dukej sikur të vdiste vërtetë në skenë.”
Kështu e nis kritikën Ruben Amon në gazetën më të rëndësishme spanjolle El Pais duke analizuar operan “Madame Butterfly” ku Ermonela Jaho interpretoi në rolin kryesor për disa netë me radhë.