Kompania SHELL, ndër më të mëdhatë në botë në fushën e nxjerres së naftës, njoftoi zgjerimin e aktivitetit në Shqipëri. Ministri i Energjisë, Damian Gjiknuri bëri të ditur se SHELL ka marrë plotësisht kontrollin e marrëveshjes konçensionare në blloqet 2 dhe 3, ndërsa po negocion me një tjetër marrëveshje për Bllokun 4. Sipas Gjiknurit, afrimi i kësaj kompanie prestigjoze shihet interes në rritje i investitorëve të huaj në fushën e hidrokarbureve në Shqipëri, falë dhe politikave të qeverisë.