Mënyra më e mirë e mbrojtjes së ushqimeve nga prishja është ruajtja e tyre në frigorifer. Shumë prej nesh kur duhet t’i konsumojmë këto ushqime i lëmë me orë të tëra ne temperaturën e ambientit që të shkrihen, por me sa duket kjo nuk është mënyra e duhur.
Sipas ekspertes së ushqimit, Susanne Ekstedt lënia jashtë frigoriferit e ushqimeve me qëllim që të shkrihen ngadalë, është mënyra më e gabuar.
Sipas saj, mënyra më e mirë për të shkrirë ushqimet është t’i fusni në ujë të ftohtë, pasi kjo metodë ndihmon në ruajtjen e shijes së produktit.
Duke folur për ” sciencenordic.com” ajo tha se arsyeja përse mishi dhe peshku duhet shkrirë në ujë është e thjeshtë. Uji kryen ngrohje më shpejt sesa ajri, për këtë arsye procesi i shkrirjes është më i shpejtë.