Kalendari historik: 25 Shkurt

25 Shkurti është dita e 56 e vitit, deri në fund të tij janë edhe 309 ditë.

Ngjarje

138 – Perandori Romak Hadrian adapton Antoninus Piusin që automatikisht u bë pasues i tijë.

1570 – Mbretëresha Elizabeth I e Anglisë, çkishërohet nga Papa Pius V – Për të ardhur në fron, ajo kishte ekzekutuar motrën e vet, Mari, mbretëreshë e skocezëve. Gjatë mbretërimit të Elizabetës së parë – deri në vdekje e saj më 1603 – Anglia provoi një nga periudhat më të suksesshme; William Shakespeare, Edmund Spenser, Francis Bacon, Walter Raleigh, Francis Drake, dhe figura të tjera të rëndësishme dolën në letërsi dhe eksplorim; Anglia u njësua si komb; u bë fuqi e madhe evropiane dhe detare; u zhvillua në tregti, industri, dhe hyri në epokën e kolonizimeve.

1837 – U patentua motori i parë elektrik nga Thomas Davenport.

1859 – Avokatët përdorin për herë të parë me sukses taktikën e mbrojtjes së një të pandehuri, duke e shpallur të çmendur për të provuar pafajësinë.

1870 – Hirami Revels bëhet afrikano-amerikani i parë senator – ai plotësoi mandatin e Jefferson Davis, i cili ishte largua nga Senati për t’u bërë president i konfederatës.

1901 – J.P. Morgan formon Korporatën amerikane të çelikut, korporata e parë miliarda dollarëshe në botë. J.P. Morgan ishte investitor, industrialist, bankier, zotërues i sistemeve të kumunikimit dhe transportit detar; i njohur edhe si filantropist e koleksionist i veprave të artit. JP Morgan ishte president i Muzeut Metropolitan të Artit në Nju Jork. Pas vdekjes, koleksioni i tij u vendos në krahun Pierpont Morgan të muzeut, ku përfshihet edhe “Thesari shqiptar i Vrapit” (punime artizanale, kryesisht argjendari, nga mesjeta e herëshme në trojet e Shqipërisë së mesme).

1907 – Drama “Philanderer” (Feministi) nga George Bernard Shaw shfaqet për herë të parë në Londër. Fan Stilian Noli mbante korrespondecë me Bernard Shaw-n. Kur Noli botoi librin “Bethoven and French Revolution”, ai i dërgoi një kopje të librit, dhe Shaw iu përgjigj: “Peshkopi ia ka kushtuar jetën e tij fesë në vend që tia kushtonte letërsisë!”

1945 – LDB: Turqia i shpalli luftë Gjermanisë.

1954 – Gamal Abdul Nasser u zgjodh kryeministër i Egjiptit.

1932 – Emmigranti austriak Adolf Hitler merr shtetësinë gjermane.

1956 – Hrushovi denoncon Stalinin në Kongresin XX të Partisë Komuniste Sovjetike.

1969 – Gjermania i jep 5 milionë dollarë një grupi terrorist arab si çmim për lirimin e udhëtarëve dhe ekuipazhit të një avioni të rrëmbyer prej tyre.

1978 – Vrasësi Ted Bundy u arrestua në Florida.

1983 – Vdiq Tennessee Williams (72 vjeç), një nga dramaturgët më të njohur amerikanë të shekullit të 20-të, autor i më shumë se 70 dramave, përfshi “A Streetcar Named Desire”, 1947. Williams ishte edhe poet. Heavenly Grass / Bar qiellor, nga Tennessi Williams
(fragment, shqipërim)

1992 – U vranë rreth 613 civilë nga forcat armeneze gjat një konflikti në Nagorno-Karabakh, Azerbajxhan

1994 – Amerikano-izraeliti Dr. Baruch Kappel Goldstein në xhami duke u lutur vrau 29 palestinezë dhe plagosi 125 të tjerë.

2000 – Partia suedeze Demokracia e Re falimentoi financiarisht.

2006 – Popullata botërore arrin shifrën 6.5 miliardë.

2008 – Belgjika njohu Kosovën si shtet të pavarur.

2013 – Presidenti kuban Raul Kastro njofton se nuk do të kërkojë një mandat tjetër në vitin 2018.