Një vajzë e vogël mbante në duar dy mollë.
Mamaja e saj erdhi dhe pyeti butësisht : “E ëmbla ime, a do ja japësh mamit tënd një nga dy mollët e tua?”
Vajza ngriti kokën dhe vështroi mamanë e saj për disa sekonda, pastaj papritur kafshoi njërën nga mollët dhe me ngut kafshoi dhe mollën tjetër.
Mamasë i ngriu buzëqeshja në fytyrë. Ajo u mundua shumë që të mos shfaqë zhgënjimin e saj.
Pastaj vajza e vogël i zgjati njërën nga mollët e saj të kafshuara mamasë dhe i tha, “Mami, ja tek e ke, merre. Kjo është më e ëmbël se tjetra.”
