Patatet e skuqura mund të konsiderohen pa frikë si një nga ushqimet më popullore dhe më të pëlqyera në botë, pavarësisht paralajmërimeve të vazhdueshme mbi vlerat e munguara të tij.

Së fundmi Agjencia Ushqimore Britanike ka paralajmëruar se patatet e skuqura dhe buka e thekur rrisin në mënyrë të ndjeshme riskun e prekjes nga kanceri.

Studimi ka paralajmëruar publikisht mbi rrezikun që shkakton Acrylamide, një lëndë kimike e dëmshme që prodhohet te patatja dhe ushqime të tjera që gatuhen në një temperaturë mbi 120 gradë. Patatet dhe tosti, dy nga produketet më të ekspozuara ndaj këtij kimikati duhet të skuqen apo theken sa më pak duke mbetur te ngjyra e verdhë dhe jo te ajo kafe.