OSHEE ka ngritur Grupin Qendror të Gatishmërisë në kuadër të rrezikut të zhvillimeve atmosferike, për të cilat janë parashikuar përkeqësim të kushteve të motit këto ditë. Janë 600 punonjës të OSHEE që janë në gatishmëri të plotë, për ti paraprirë situatës së keqe. Nga të gjitha drejtoritë rajonale janë marrë masat pas daljes së urdhrit të administratorit Adrian Çela, tre ditë më parë, për bashkërendim me strukturat e OSHEE në terren dhe ne mbeshtetje nga pushteti vendor, të sigurojë mirëmbajtjen e linjave të furnizimit me energji elektrike të komunitetit dhe në mënyrë të veçantë të furnizimit të hidrovorëve, ujësjellësave të qyteteve dhe fshatrave si dhe eliminimin e nyjeve kritike te ketyre pjeseve te sistemit te rrjetit shperndares.