Lajm i mirë për të gjithë ata që i dashurojnë prodhimet e bulmetit. Të gjithë jemi në dijeni për vlerat e pakrahasueshme ushqimore të bulmetit, por gjithmonë na është krijuar përshtypja se ato janë shkaktarë të shtimit në peshë. Sipas studimeve të fundit duhet bërë përjashtim për djathin.

Sipas një studimi të ri nga Universiteti i Dublinit, personat që konsumojnë më shumë djathë janë më të dobët sesa ata që nuk e konsumojnë. Për më tepër, duket se konsumimi i djathit nuk e rrit nivelin e kolesterolit.

Studiuesit vëzhguan efektet e konsumimit të bulmetit në 1’500 persona të moshave nga 18 në 90 vjeç dhe zbuluan se ata që konsumonin më shumë bulmet, kishin përqindje dhjamore të trupit më të ulët, tension më të ulët të gjakut dhe bel më të hollë. Ajo që u bëri më shumë përshtypje madje është fakti që personat që konsumonin bulmet me yndyrë të reduktuar, na fakt kishin nivele më të larta të kolesterolit. Ky studim mbështet disa studime të tjera që thonë se yndyrnat e ngopura që gjenden tek djathi nuk rrisin nivelin e kolesterolit për shkak të disa përbërësve unikë.