Një shkrim në gazetën “New York Times” thotë se jo gjithmonë e qara e një të sapolinduri tregon se ka uri.

E qara në vend të fjalëve

Foshnja ende pa mbushur vitin përdor të qarën, si të ishin fjalë, për të komunikuar. Është e vetmja mënyrë që ka për të pasur një komunikim me ambientin dhe me prindërit.

E ardhmja

Nëse lotëve do t’u përgjigjeni me ushqyerje, më vonë e ardhmja do të lidhet gjithmonë me ushqimin. “Fëmijë kapricioz? Ta ushqesh nuk është gjithmonë përgjigjja”, kështu titullohet artikulli i “New York Times”, që reflekton mbi të gjitha llojet e së qarës, duke cituar të tjera studime që shpjegojnë se çfarë ndikon në rritjen e tij dhe njëherësh në oreksin e tij.

Të gjitha herët e së qarës

I vogli qan sepse është i frustruar, i bezdisur, nuk është mirë, sepse ka uri e për shumë arsye të tjera. Por si mund të arrish ta njohësh arsyen e së qarës? Rregulli i parë është ta dëgjosh dhe të mundohesh ta kuptosh. Asnjëherë mos u shpejto, sepse do të pengosh aftësinë e të shprehurit të vogëlushit.

Rëndësia e deshifrimit

Një eksperiment i “Insight Study”, shikon reagimet e ndryshme të prindërve përballë të qarës së një foshnjeje. Ky eksperiment kishte si qëllim t’i mësonte prindërit të mësonin sinjalet e foshnjave të tyre. “Shumë i mësojnë mamatë e reja që t’i japin gji sa herë qan fëmija, por në të vërtetë jo sa herë foshnja qan duhet ushqyer me gji. Ata prindër që kanë arritur të njohin të qarën e foshnjës së tyre kur nuk është i uritur, u flenë më mirë dhe kanë një raport shumë të mirë me ushqimin. Nëse çdo lloj frustrimi apo emocioni do i përgjigjeni me ushqim, fëmija kur të rritet do të gjejë gjithmonë ngushëllim tek e ngrëna për të pakësuar emocionet.

Jo vetëm qumësht

Jo vetëm qumështi është kryesorja te një i porsalindur, por edhe një muzikë e lehtë në sfond, ndërrimi i pozicionit, ndërrimi i pampersit apo dhe vëmendja mbi të. Përgjigjet e të qarave mund të jenë të ndryshme, siç janë të ndryshme dhe të qarat.

Mos u trishtoni nga të qarat

Nuk duhet të trishtoheni nga të qarat e fëmijës, por të mundoheni ta kuptoni arsyen e saj, ndryshe do të prishni qetësinë dhe ekuilibrin.

Të pakënaqur

Është fakt se ka fëmijë që janë shumë të uritur, dhe ku e qara e urisë është vështirë të kontrollohet. Në këtë rast kemi të bëjmë me një foshnjë të pangopur, pjesë e natyrës së tij. Disa studime të tjera evidentojnë një aspekt tjetër të rëndësishëm të së qarës dhe ushqyerjes: foshnjat nuk janë të gjitha njësoj dhe pangopësia është gjenetike. Oreksi në fakt varet edhe nga faktorë të natyrave të tjera.

Fëmijët nuk janë të gjithë njësoj

Një studim britanik i 2007-s, i realizuar mbi 2400 binjakë, vë në dukje se si të vegjlit kanë një raport të ndryshëm me ushqimin. Studimi ka treguar katër aspekte të ndryshme: reagimin për ushqim, koha për t’u ushqyer, pragu i ngopjes dhe kënaqësia e marrë nga të ushqyerit. Rezultati është se që foshnjë jemi të ndryshëm, pavarësisht nga përgjigjet e të rriturve ndaj nevojave tona. Por e rëndësishme është që të arrihet të kuptohet nëse fëmija është një ngrënës nga natyra apo jo.