Facebook forcon luftën e tij ndaj dezinformimit online duke dashur të jetë platformë e pastër në profilet e 2 miliardë përdoruesve të saj nga linqet, artikujve sensacionalë, urryes, përmbajtjeve “të pavërteta” të shpërndarë në mënyrë masive nga disa llogari.

Kompania ka bërë të ditur një përditësim të algoritmit që do të shërbejë për të deklasifikuar këto lloj lajmesh në rrjetin social, duke i treguar ato me fluks më pak të frekuntueshëm.

“Studimet e brendshme tregojnë se një grup personash në platformë që në mënyrë të përsëritur shpërndajne sasi të madhe postimesh publike çdo ditë, në fakt mbushin me ‘spam’ fluksin e lajmeve tek përdoruesit.  Linqet e shpërndarë në këtë mënyrë kanë tendencën të kompromentojnë përmbajtjen me cilësi të ulët, titull misterioz, sensacional apo dezinformues”, thotë njëri nga drejtuesit e këtij projekti.

“Duam të reduktojmë ndikimin e këtyre ‘spammer’ dhe të deklasifikojmë linqe që shpërndahen më shpesh se sa ato të shpërndarë në mënyrë ‘normale’, jo domosdoshmërisht në mënyrë masive”.  Kompania deklaron se ky është vetëm një nga sinjalet që do të merretn në konsideratë për deklasifikimin e një postimi.

Përditësimi është vetëm mjeti i fundit i adoptuar nga Facebook muajt e fundit në luftën kundër “fake news”dhe dezinformimit në rrjet.