Një studim i realizuar së fundmi në Shtetet e Bashkuara të Amerikës, tregon se fëmijët që zotërojnë tabletë dhe smartfonë, flenë më pak se ata që nuk i kanë këto prodhime të fundit të teknologjisë.

Sipas studimit fëmijët, të cilët kanë pajisje të tilla në dhomat e tyre flenë 21 minuta më pak se sa ata që nuk i kanë apo nuk i mbajnë me vete në dhomë.

Në studimin e publikuar ë revistën amerikane “Pediatrics”, kanë marrë pjesë 2.048 fëmijë të moshave nga 10 deri në 13-vjeç, të cilët shkollohen në Masaçusets.

Studimi tregon gjithashtu se fëmijët që kanë televizor në dhomë flenë 18 minuta më pak se sa ata që nuk kanë një të tillë në dhomë.