Treni dikur konsiderohej një mënyrë e shpejtë dhe e sigurt për të udhëtuar. Edhe sot, siguria mbetet, por ky mjet transporti ofron shumë ide për ata që mbështesin udhëtimin e ngadalshëm. Këtu janë dhjetë hekurudha historike që ofrojnë pamje magjepsëse.
GLACIER EXPRESS – ZVICËR – Ndoshta është një nga rrugët më të bukura të trenit në botë dhe një vend i Trashëgimisë Botërore të UNESCO-s. Pavarësisht se është treni më i ngadalshëm në botë (me një shpejtësi mesatare prej 33 kilometrash në orë) mbulon 270 km në malet që ndajnë Zermatt dhe St. Moritz, duke marrë pothuajse tetë orë. Treni kalon 91 tunele dhe 291 ura.
CALEDONIAN SLEEPER – BRITANI E MADHE – Fillon nga Londra dhe mbërrin në Highlands Skoceze, në Fort William, pas 13 orësh dhe mbi 819 kilometra udhëtimesh. Rruga është një magji e plotë, midis peizazheve të bukurisë intensive dhe një shërbimi të klasit të lartë në bord.
OSLO-BERGEN – NORVEGJI – Treni daton në shekullin e 19-të dhe kalon malet, fjordët dhe pyjet. Në rreth gjashtë orë e gjysmë ju mund të admironi peizazhet e pakrahasueshme natyrore, të gjitha për t’u shijuar me hundën ngjitur në dritare.
MOUNTAINEER ROCKY – KANADA – Një itinerar i shkëlqyer për të admiruar nga dritaret panoramike të makinave turistike të veçanta. Treni kalon Jasper Park Natyror, një Trashëgimi Botërore e UNESCO-s në zemër të Rockies Kanadeze, duke përfshirë liqene, ujëvara dhe akullnaja. Përjetimet e veçanta me dre dhe kafshë të tjera të egra nuk janë të pazakonshme.
FIANARANTOSOA-MANAKARA-MADAGASKAR – Hekurudha kalon pjesën juglindore të ishullit dhe daton në fillim të shekullit të njëzetë. Është një mënyrë aventureske dhe e pazakontë për të eksploruar këtë pjesë të vendit, të mbuluar me bimësi të harlisur. Udhëtimi nuk është i përshtatshëm për ata që nxitojnë: treni ka një shpejtësi kërmilli dhe zgjat rreth 12 orë për të udhëtuar 160 km.
GHAN – AUSTRALIA – Ky karvan, një nga më luksozët e kontinentit, sjell turistë të eksplorojnë zemrën e vendit. Udhëtimi zgjat dy ditë, nga Adelaide (në bregun jugor) deri në Darvin në veri. Pista kalon pothuajse 3 mijë kilometra të outback, shkretëtirën australiane, në mes të peizazheve shumë të ndryshme dhe unike në botë.
‘THE REUNIFICATION EXPRESS’ – VIETNAM – Treni udhëton 1726 kilometra që ndan Ho Chi Minh City nga kryeqyteti i Vietnamit, Hanoi, në dy ditë udhëtimi mes brigjeve të mrekullueshme, qyteteve historike dhe personazheve kuriozë që janë të shpeshta për t’u takuar në bord. Në Hanoi, treni kalon nëpër një rrugë të gjatë dhe të ngushtë të banuar, duke kaluar pranë shtëpive.
TRANZALPINE – ZELANDA E RE – Kjo hekurudhë historike lidh Christchurch me Greymouth dhe në rreth pesë orë kalon të gjitha zonat klimatike të Ishujve të Jugut. Pamjet panoramike janë të mëdha, me male dhe brigjet, liqene dhe kodra, të cilat na vijnë përmes frontit të dritares.
PEKIN-LHASA – KINË – Ashtu si çdo gjë që lidhet me Kinën, dimensionet janë të mëdha: 3750 km dhe 40 orë udhëtimi me një rënie vertikale prej më shumë se 5000 metra, përmes peizazheve më të ndryshme: nga arkitekturat perandorake të kryeqytetit të Kinës, maleve dhe në manastiret e Lhasa, në Tibet. /gazeta shqip/
