16 Maji është dita e 136 e vitit, deri në fund të tij janë edhe 229 ditë.
Ngjarje
1165 – Rambam dhe familja e tij mbërrijnë në Palestinë, pas ikjes nga Kordova e Spanjës. Rambam është akronim për Rabinin Moisiu ben Maimon (1135-1204), i njohur si mbledhës dhe kodifikues i Toras hebraike. Më vonë ai iu përkushtua mjekësisë dhe arriti të bëhej mjeku personal i Sulltan Saladinit.
1804 – Paris; Senati dhe Dhoma e përfaqësuesve e shpallin Napoleonin udhëheqës të Francës.
1868 – Për mungesë të një vote më shumë, Senati amerikan nuk mundi të shkarkojë presidentin Andrew Johnson.
1881 – Tramvaji i parë elektrik në botë fillon shërbimin në Lichterfelder, afër Berlinit.
1929 – Hollywwod; Për herë të parë ndahen Çmimet e Akademisë në kinematografi. Charlie Chaplin merr Çmimin e Nderit. Titulli Oscar për këtë çmim nuk do të shpikej deri në vitin 1931, kur dikush e quajti statujën Oskar, pasi i ngjante një personi me të njëjtin emër. Në ceremoninë e pare (1929) morrën pjesë 270 njerëz dhe prezantimi zgjati vetëm 15 minuta. Kjo është ceremonia e vetme e çmimeve të Akademisë që nuk është transmetuar as në radio e as në televizion.
1931 – Lindi Peter Levi; poet, shkrimtar, arkeolog, akademik anglez. Shkroi biografi të Horacit, Virgjilit dhe Edward Learit. Udhëtoi në Greqi, Maqedoni dhe nëpër Afganistan, duke kërkuar gjurmët e Aleksandrit të madh. Në vitin 1988, shpalli se në Bibliotekën Huntington në San Marino, Kaliforni, kishte zbuluar një poemë anonime, që sipas tij, shkruar nga Shekspiri – shumë kritikë e kundërshtuan. Levi vdiq në vitin 2000.
Lindje
1931 – Peter Levi, shkencëtar dhe shkrimtar britanez
1951 – Claudio Baglioni, këngëtar italian
1953 – Pierce Brosnan, aktor irlandez
1974 – Laura Pausini, këngëtare italiane
1977 – Emiliana Torrini, këngëtare islandeze
1986 – Megan Fox, aktore amerikane
Vdekje
1926 – Mehmed i VI, sulltan osman
1978 – Rexhep Elmazi, patriot dhe shkrimtar shqiptar