Teknologjia avancon në çdo fushë edhe në atë bankare.  MasterCard ka krijuar një lloj të re karte bankare me gjurmë gishtash biometrike, shkruan DailyMirror. Këtë lloj karte kompania po e teston në Afrikën e Jugut dhe thotë se shpreson ta bëjë të plotë procesin në të gjithë botën brenda vitit.

Por fillimisht bankat duhet të kenë teknologjinë e re. Gjurmët dixhitale ruhen në një çip brenda kartës dhe shitësit duhet të përditësojnë makineritë e tyre për të përdorur këtë teknologji të re.

“Konsumatorët kanë gjithnjë e më shumë siguri dhe lehtësi me të dhënat biometrike”, thotë Ajay Bhalla, kreu i sigurisë së Mastercard.