Me afrimin e sezonit veror, njerëzit fillojnë të kërkojnë vende të përshtatshme për të kaluar disa ditë pushime të këndshme dhe pse jo, plot aventure. Një prej vendeve që mund t’ju sugjeronim do të ishte Vietnami.
Përveç peizazheve të mrekullueshme natyrore Vietnami, është i pasur me tarraca orizi të mrekullueshme. Mu Cang Chai në provincën Yen Bai në Vietnam është një nga vendet më tërheqëse në botë.
Jo vetëm tarraca madhështore dhe të bukura, por gjithashtu dhe jeta unike dhe e thjeshtë e grupit etnik H’mong, një jetë e varfër, por tepër interesante në filozofinë e saj.
Koha e sezonit të orizit zakonisht fillojnë nga 15 shtatori deri më 20 tetor, por ka pak ndryshim çdo vit. Në qoftë se do ta vizitoni këtë vend, mund të telefononi disa hotele atje për të kërkuar gjendjen e orizit dhe kohën e festave.
Nëse nuk mund të vizitoni në sezonin e orizit, mund të vizitoni në muajin maj deri në korrik, kur njerëzit fillojnë mbjelljet e tarracave madhështore.
Distanca nga Hanoi në Mu Cang Chai është 280 km, në një rrugë jo fort të këndshme. Megjithatë, ky mbetet një nga vendet më të vizituara në botë.