Në rrugën më të ngushtë në botë, banorët nuk blejnë dot asgjë

Rruga më e ngushtë në botë është në lagjen më të vjetër të kryeqytetit të Irakut, Bagdad. Kjo rrugë është vetëm 30 cm e gjerë, 70 metra e gjatë dhe afër saj ka 8 shtëpi.

Ajo është e vendosur në mes të shtëpive më të vjetra se nëntë dekada në lagjen “Kesare” në Bagdad. Popullata lokale e quan rrugë “derbune”, që do të thotë “rrugë e ngushtë”.

Shtëpitë janë të vjetra, të lënë pas dore dhe të vogla, duke e bërë jetën më të vështirë për njerëzit që jetojnë në to.

Asnjë makinë nuk mund të hyjë në rrugë dhe banorët përdorin mjete tejet të vogla si biçikleta për të kryer transportin e produkteve të tyre ushqimore.

Një nga pronarët e shtëpisë në “Rrugën më të ngushtë”, Yasir Mutassar tha se ata nuk janë në gjendje të blejnë mobilje për shtëpitë e tyre.

“Bleva një lavatriçe, por nuk arrita ta çoja në shtëpinë time kam pritur për orë të tëra në rrugë, pastaj ia  shita dikujt tjetër”, tha Mutassar.

Megjithatë, pavarësisht nga të gjitha këto vështirësi, ai ka jetuar në këtë rrugë për 35 vjet. Edhe Abu Abdullah jeton në këtë lagje. Ai tha se edhe xhenazet nuk mund të kalojnë.

Pin It