Qarkullimi i masave ajrore nga Afrika do të bëjë që vendi ynë të dominohet nga moti i kthjellët dhe temperatura të larta. Herë pas herë do të shfaqen kalime vranësirash të lehta, më të dukshme në zonat malore lindore.

Parashikohet që pasditja të vijojë me kthjellime dhe vranësira të lehta e kalimtare në zonat malore duke lënë me mot të kthjellët pjesën tjetër të vendit.

Sipas MeteoAlb, temperaturat e ajrit do të qëndrojnë konstante në orët e mëngjesit, por mesdita do të sjellë një rritje të lehtë të tyre. Era do të fryjë e lehte dhe mesatare me shpejtësi 25 km/h nga drejtimi Jugor duke bërë që në det të gjenerohen dallgë 1 ballë.