Ndërsa loja Pokemon Go po mbipopullohet në të gjithë botën, një grup fëmijësh sirianë, të prekur nga lufta kanë nisur një fushatë në internet.

“Na gjeni dhe hajdeni na shpëtoni”. Kështu titullohet fushata e tyre ndërsa fëmijët mbajnë në duar vizatime të personazheve të lojës.

Fotot e fëmijëve janë shpërndarë gjerësisht në rrjete sociale. Por kjo gjë nuk është një lojë. Unicef ka lëshuar alarmin se në orët e fundit kanë humbur jetën 20 fëmijë si dhe thekson se 35 mijë të tjerë janë në rrezik.