Kompjuteri është i pashmagshëm ditët e sotme. Eshtë mjeti që na nevojitet për të kryer punët tona të përditshme, por në të njëjtën kohë dëmton edhe sytë.
Sytë harxhojnë shumë rodopsinë, pigment fotosensitiv, që është i nevojshëm për të parë sa më mirë. Ndaj ata që punojnë në kompjuter kanë nevojë për vitaminë A. Ajo luan rol të rëndësishëm në prodhimin e rodopsinës.
Për të gjithë ju që qëndroni për ore të tëra në kompjuter bëni mirë të ndiqni këshillat e mëposhtme:
- Ruani pjerrësinë e tastierës. Pjerrësia është mirë të jetë 20 gradë. Ndërsa përsa i përket ekranit duhet të jetë 50- 60 cm larg syve.
- Sfondi të mos jetë i errët, ndërsa drita e ekranit të rregullohet në vlera mesatare.
- Çdo 15 minuta të bëhet një pushim për të qetësuar sytë.
- Nëse keni mundësi mund të përdorni filter për ekranin kundër reflekseve.
