” Të lindësh femër…” Pak muaj para Ditës Ndërkombëtare të Grave, një raport vjetor ka zbuluar shtetet më të vështira apo më të këqija për t’u rritur si femër, duke treguar se lista kryesohet nga shtetet Afrikane.

Raporti i quajtur Poverty is Sexist 2016, nga ONE, ka mbledhur të dhënat e më shumë se 166 shteteve.

Raporti ka pasur parasysh statistikat e shumë aspekteve, duke përfshirë pagën vjetore, përqindjen e vajzave që ndjekin shkollimin, lejimin e llogarive bankare, proporcionin e pagave të vajzave për një punë që është relative me meshkujt, mundësitë e vdekjes gjatë lindjes së fëmijës, përfaqësimin politik nga gratë etj.

Rezultatet kanë treguar se 20 vendet më të këqija për t’u lindur si vajzë janë ndër më të varfrat – 18 prej tyre klasifikohen nga Kombet e Bashkuara si ‘shtetet më pak të zhvilluara në botë’, përderisa 13 prej tyre konsiderohen nga Banka Botërore si ‘shtete në rrethana delikate’.

Nigeria është shteti më i vështirë për vajzat e reja, duke u ndjekur pas nga Somalia dhe Mali.

Shtetet skandinave konsiderohen si më të mirat për t’u lindur dhe rritur si femër, ku Norvegjia rendiet para Suedisë dhe Danimarkës.