Parqet janë vendet më të dashura për fëmijët pasi fëmijët kanë mundësi të socializohen, të luajnë më njëri-tjetrin, të vrapojnë të lirë mes gjelbërimit e ç’është më e rëndësishmja të marrin ajër të pastër. Këto janë vetëm disa nga arsyet që i bëjnë parqet të domosdoshme për çdo zonë të banuar.
Në Teksas të SHBA-së është hapur parku më interesant dhe më i nevojshëm që keni dëgjuar deri më sot. Ajo që e bën të tillë parkun me ujë, është fakti se ky park është për personat me aftësi të kufizuar. Deri më tani parqet e ujit janë të pa aksesueshëm për personat me aftësi të kufizuara, por Island Inspiration Morgan synon të ndryshojë gjithçka, sepse ky është parku i parë me ujë në botë, projektuar posaçërisht për këtë kategori të shoqërisë.
“Qëllimi unë është që tu ofrojmë këtyre njerëzve argëtim pa fund dhe siguri për jetën”, tha themeluesi i këtij projekti Gordon Hartman, i cili punon me mjekët, të afërmit e personave me aftësi të kufizuar, mësuesit, terapistë të specializuar, që të sigurojë jetëgjatësinë e këtij parku.