Stina e verës është periudha kur trupi i njeriut djersit edhe më shumë. Shumica prej njerëzve priren të gjejnë mënyra të reja për të evituar djersitjen pasi shkakton ndjesi të pakëndëshme.

Ekzistojnë disa mënyra për ta parandaluar djersitjen e shumtë. Një mënyrë efikase që mund ta evitojë është  çaji i sherebelës. Nëse pini çaj sherebele, do të djersini më pak dhe do të ndiheni më rehat me trupin tuaj.

E njëjta gjë vlen edhe për uthullën e mollës. Ajo vepron si deodorant, pasi është tepër efikas në shkatërrimin e baktereve. Mjafton t’i fshini pjesët që keni djerësitur me një leckë, të cilën më parë e keni lagur në uthullën e mollës dhe njollat e djersës nuk do të jenë problem për ju.