Kombëtarja ka zhvilluar stërvitjen e radhës në kompleksin “Reshit Rusi” në Shkodër. Në prag të ndeshjes ndaj Spanjës, atmosfera në kampin e skuadrës sonë përfaqësuese ka qenë pozitive, ku nuk kanë munguar të qeshurat.

Përgatitjet kanë vijuar normalisht dhe skuadra po bëhet gati për ndeshjen e shumëpritur me Spanjën.

Stadiumi “Loro Boriçi” në Shkodër po bën përgatitjet e fundit përpara sfidës që do të mbahet mbrëmjen e së dielës mes kombëtares shqiptare dhe ish-kampionëve të botës, përfaqësues së Spanjës.

Sfida luhet ditën e dielë në orën 20:45 për eliminatoret e Rusi 2018.

Spanja mendohet të jetë kundërshtari më i vështirë që përfaqësuesja jonë do të përballet, duke pasur parasysh faktin, që spanjollët janë ish-kampionë bote dhe Europe.

Për momentin Shqipëria është në vend të parë të Grupit G me 6 pikë të plota në 2 ndeshje, ndërsa Spanja është në vend të dytë.