Qeni nuk është vetëm miku më i mirë i njeriut, por ai ndihmon për të kaluar momente jo të mira në jetë. Një studim i ri ka zbuluar një formë për ta reduktuar ndjenjën e mallit me anë të një qeni.
Hulumtimi u realizua nga Universiteti i Kolumbias Britanike, në Kanada dhe tregoi terapia e asistuar me kafshë mund t’i ndihmojë njerëzit të luftjnë nostalgjinë dhe mund të ulë ndjenjën e braktisjes së studentëve gjatë vitit të parë të studimeve.
Në këtë studim studentët e 44 universiteteve që kishin pohuar se ndiheshin melankolikë, plotësuan një pyetsor për të matur nivelin e nostalgjisë, kënaqësisë dhe lidhjen me kampusin universitar. Gjysma e pjesëmarrësve kaloi 8 javë në terapi me qen, ndërsa gjysmës tjetër iu tha që terapitë me qen do të fillonin brenda 8 javëve.
Terapia përfshinte seanca javore prej 45 minutash me ndërveprime me grupe të vegjël me qen. Pas përfundimit të seancave pjesmarrësit e të dy grupeve plotësuan përsëri pyetsorë. Ata që kishin kontakte me qen kishin një reduktim të trishtimit ose të melankolisë dhe ishin më të kënaqur. Grupi tjetër që i priste seancat shfaqi një rritje të ndjenjës së nostalgjisë.
Edhe pse duhen studime më të thelluara, aftësia e universiteteve për t’i lidhur studentët me kampusin mund të jetë një zbulim për reduktimin e numrit të braktisjeve të shkollës nga studentët e vitit të parë.
