Dibra dhe Kukësi do të jenë dy qarqet që do të mbyllin të parët procesin e legalizimeve. Në një konferencë për shtyp, kreu i ALUIZNI-it, Artan Lame, thotë se në zonat informale si Bathorja, Këneta e Durrësit, Fusha e Bradasheshit, rrethinat e Shkodrës, Kamza, Paskuqani, Kodra e Priftit etj, procesi i legalizimit do të mbyllet brenda qershorit 2017.
Gjithashtu Lame shpjegon se duke filluar nga muaji shtator, nuk do të jenë më qytetarët që do të bëjnë regjistrimin e lejes në Hipotekë, por këtë process do ta kryejë ALUIZNI.
