Artikull i “Forbes”: Shqipëria, një nga 30 vendet që duhet vizituar në 2017-ën

Albania-Saranda-Ksamil-TravelMe.World1_

Revista prestigjoze amerikane “Forbes” ka renditur Shqipërinë si një ndër vendet më atraktive dhe më pak të shtrenjta për t’u vizituar gjatë vitit 2017.

Shqipëria renditet e 21 në 30 vende të marra gjithsej në studim, duke lënë pas vende si Meksika, Kanadaja, Buenos Aires, Haiti, Greqi, Portugali, etj.

“Ky cep i harruar i Europës është një destinacion i mrekullueshëm që mund ta vizitosh me një buxhet shumë të ulët, në një kontinent tjetër turistik dhe të shtrenjtë”, shkruan “Forbes”.

“Forbes” fton lexuesit e saj të vizitojnë bukuritë e vijës bregdetare të Sarandës, qytetit malor mesjetar të Gjirokastrës dhe rrënojat romake të Butrintit.

“Me plazhe fantastike përgjatë vijës bregdetare, përfshirë këtu portin e peshkimit në Sarandë, Shqipëria u jep mundësinë vizitorëve të shijojnë ujërat e Mesdheut për çmime të zakonshme. Akomodimi fillon nga 5 dollar për person, udhëtimet për peshkim ose xhirot me varkë në ishujt e afërt kanë afërsisht të njëjtin çmim”, citohet artikulli i revistës.

Ka gjithashtu disa vende historike mjaft interesante në të gjithë Shqipërinë në të cilat hyrja kushton 2 deri në 5 dollarë.

Nga qyteti malor mesjetar i Gjirokastrës në rrënojat romake në Butrint, të ofrohet një anë krejt e ndryshme e Europës, e cila sygjeron “Forbes” duhet vizituar patjetër përpara se kjo zonë të jetë mbipopulluar.

butrint-albania

Burimi: Agjensia Telegrafike Shqiptare

Pin It