Opera “Flauti Magjik” do të jetë premiera e parë e sezonit artistik të Teatrit të Operës dhe Baletit që do të ngjitet në skenë në datat 23 dhe 25 Tetor.
Shfaqja e kësaj opere është një akt simbolik, sipas drejtoreshës së institucionit Zana Çela, sepse ngjiten në skenë në kuadrin e festimit të 60 vjetorit të rivendosjes së marrëdhënieve diplomatike midis Shqipërisë dhe Austrisë.
Sot vijmë për të prezantuar premierën e këtij sezoni, premierën e parë ‘’Fauti Magjik’’, është shprehur Çela.
Vepra e njohur e Moxart realizohet përmes sfidave, sepse është një nga ta rrallat e shkruar në gjuhën gjermane me libret të Emanuel Shikaneder.
Premiera “Flauti Magjik” sjell për herë të parë në Shqipëri sopranon turke Serenad Uyar në rolin e Mbretëreshës së Natës dhe dirigjentin austriak Pierre Pichler.