Fillimjava në tregun e këmbimit valutor të vendit tonë paraqitet me tendencë të forcimit të monedhës vendase lek, në krahasim me dollarin amerikan, ndërsa euroja ruan pozita më të forta.

Sipas kursit zyrtar të Bankës së Shqipërisë, sot në mesditë 1 euro u këmbye me 122,86 lekë, me një rritje prej 0,06 lekë nga sa u këmbye në fundjavën që lamë pas: 122,80 lekë.

Ndërsa 1 dollar amerikan nga 110,78 lekë që ishte para një jave, u zhvlerësua në 108,65 lekë në fundjavë, dhe sot u këmbye në tregun vendas me 107,73 lekë, duke vazhduar paqëndrueshmërinë në raport me monedhën vendase, me tendencë në rënie.

Ndërsa paundi britanik sot u këmbye me 141,01 lekë, kundrejt 141,63 lekë që ishte të hënën e shkuar.

Tregu valutor vendas reflekton ecurinë në bursat ndërkombëtare, por edhe kërkesë-ofertat e brendshme që po dominon në kursin e këmbimit valutor, i cili në përgjithësi paraqitet sipas pritshmërisë të Bankës së Shqipërisë.