Fruti i maresë njihet dhe tregtohet në pjesën më të madhe të vendit tonë , megjithatë vlerat e këtij fruti e sidomos mjaltit të përftuar prej saj , nuk njihen nga shumica e konsumatorëve. Më poshtë do t’ju njohim me vlerat e mjaltit të maresë .
Mjalti i maresë është një mjaltë me veti të çmuara kurative. Nder shekuj ai është përdorur si detoksifikues për mëlçinë, diuretik, anti-asmatik, antiseptik veçanërisht për rrugët urinare dhe për të përmirësuar qarkullimin. Ai njihet vetëm ne zonat mesdhetare si Shqipëria, Portugalia, Italia, Korsika dhe Greqia. Ky mjaltë dallon për një shije veçanërisht të freskët, por edhe pak të hidhur. Mjalti i maresë përmban një acid fenolik të quajtur Acid Homogentisik, i cili ka force antioksiduese tepër të fuqishme.
Studimee e pesëvjeçarit të fundit mbi forcën antioksiduese të llojeve të ndryshme të mjaltit, kane veçuar mjaltin e maresë si mjaltin me fuqinë me të madhe ne eliminimin e radikaleve të lira dhe neutralizimin e stresit oksidues ne organizëm. Shkencëtare portugeze kane krahasuar 39 lloje mjalti lulesh, përfshire mjaltë trumze, eukalipti, portokalli, mareje dhe akacie të bardhe. Mjalti i maresë rezultoi me përmbajtje me të lartë të kalciumit, magnezit dhe hekurit, se bashku me mjaltin e eukaliptit. Ndërsa forca antioksiduese është dallueshëm më e lartë tek mjalti i maresë me një përmbajtje të substancave fenolike më shumë se 600mg ekuivalentë të acidit galik (GAE).
Krahasuar me mjaltin e gështënjës dhe të hikerrorit, ai i maresë dallon për force edhe më të lartë antioksiduese.
Sasia e rekomandueshme
Konsumi i 2-3 lugëve të mëdha ne ditë është i mjaftueshëm për të përfituar nga vlerat ushqyese të këtij mjalti. Ai mund të merret siç është, i holluar me ujë ose si pjese e salcave të ndryshme të sallatave.
Kujdes: fëmijët nën moshën 2 vjeç nuk duhet të konsumojnë mjaltë!
Ky mjaltë përmban njësoj sheqer si llojet e tjera prandaj personat qe vuajnë nga diabeti duhet ta llogarisin atë ne sasinë ditore të karbohidratëve që duhet të konsumojnë.
Burimi: blerinadiet.al
