Pas një seri hetimesh që zgjati më shumë se një vit, Garda civile Spanjolle dhe Krimi Ekonomik të udhëhequr nga oficerja Maria himenez ka kulminuar me arrestimin e 34 të imlikuarve në fiksimin e ndeshjeve të tenisit për qëllime bastvënieje në kategorinë e dytë dhe të tretë në Spanjë. Shtatë prej tyre janë tentistë. Operacioni filloi në Madrid duke u hapur më pas në Sevilje dhe në të gjithë Spanjën. Organizata që fiksonte ndeshjet përfshin një grup në Tuiter, i ngarkuar me detyrën e kontaktimit të tenistëve duke ju ofruar një sasi parash. Kontakti arrihej me anën e një ndërmjetësi i cili ishte tenist. Pas arritjes së marrëveshjes grupi dërgonte personel nëpër turne në mënyrë që të sigurohej respektimi i marrëveshjes nga tenistët. “Disa tenistë janë shumë të rinj dhe nuk i kuptojnë pasojat e veprimeve të tyre” – është shprehur policia në një komunikatë; “të tjerë janë veteran të cilët shfrytëzonin skemën dhe një grup tjetër i përbërë nga persona të cilët merreshin me vënien e basteve”- ka përfunduar policia në komunikatë. Mënyra e të vepruarit ishte si më poshtë:
“ Përpara ndeshjes shefat flisnin me ndërmjetësin dhe ky i fundit kontaktonte me tenistin. I ofroheshin 1000 euro. Më pas krijohej një grup privat në Telegram në të cilin merrnin pjesë personat e përfshirë dhe për të cilin mafiozët kërkonin 200 euro për tu bërë pjesë, pagesë e cila kryhej nëpërmjet Paypal. Mesatarisht për një ndeshje fitohej rreth 5000 euro edhe pse në disa raste i kalonte 10000 eurot. Bastet vendoseshin mbi faza të ndeshjes direkt: shërbime, “breaks” ose sete. Fitimet paguheshin 8 deri në 10 ditë pas ndeshjes. Në total grupi mund të ketë përfituar rreth 500 mijë euro.”