Mbi 120 mijë studentë në qytete dhe universitete të ndryshme të vendit kanë nisur sot vitin e ri akademik 2016-2017. Nga këta rreth 11 mijë studiojnë në Universitetin e Tiranës.
Në këtë ditë të parë të vitit akademik ministrja Lindita Nikolla iu uroi studentëve një vit të mbarë.
Nikolla mbrojti skemën e re të pranimit në universitetet dhe deklaroi se për herë të parë këtë vit kuotat dhe tarifat u përcaktuan nga vetë studentët.
“Ndjehem e emocionuar që rikthehem në Universitetin ku kam studiuar. Sot fillojnë vitin e ri akademik 120 mijë studentë. Kuotat dhe tarifat u përcaktuan nga vetë studentët. Skema e pranimeve është ngritur po nga vetë studentët. Skeptikët sulmuan ligjin e ri, por u tregua e kundërta”, tha ajo.