Përbërësit:
2 karrota
2 patate
2 kunguj gjelle (kungulleshka)
2 speca
1-2 qepujka
200 gr djath kaçkavall
100 gr djath i grirë
2 vezë
Kripë
Piper
1 gotë qumësht
Përgatitja
Perimet e lara dhe të qëruara i grijmë në copa të vogla ose në kubikë dhe i vendosim të ziejne për rreth 20 minuta.
Në një enë qelqi rrahim vezët dhe shtojmë pak nga pak qumështin dhe djathin kaçkavall në copa të vogla duke i përzier mirë bashkë. Shtojmë perimet e ziera, kripë, piper dhe erëza të tjera sipas dëshirës. I përziejmë mirë.
Në një tavë qelqi hedhim vaj ulliri dhe shtojmë masën e përzier duke e niveluar mirë me lugë. Sipër i hedhim djathin e grirë dhe pak vaj ulliri. Tavën e lëmë të piqet në temperature 200 gradë për 20-30 minuta.
Pas pjekjes e lëmë të ftohet pak dhe më pas e presim në copa. Ju bëftë mirë!