Ky është ndoshta ishulli më i çuditshëm në botë. Më i veçuari i të gjithë ishujve britanikë është shtëpia e kolonisë më të madhe të zogjve të detit në Europën veriperëndimore, i shkëmbinjve më të lartë se qiellgërvishtësi “Empire State Building” dhe i një qyteti “fantazmë” ndër më të çuditshmit në botë.
Shën Kilda është ndër të paktat vende në botë kaq të izoluara. Ai u braktis nga vendasit në vitin 1930 dhe banori i fundit i këtij qyteti vdiq në prill të këtij viti. Ishulli menaxhohet tani si një trashëgimi kulturore e Skocisë.
Mënyra e vetme për të shkuar në këtë ishull është me varkë dhe udhëtimi zgjat rreth tre ore e gjysmë nga ishulli Skye.
Shkëmbinjtë janë aq të mbipopulluar nga zogjtë, sa duket sikur ata janë ngurosur në shkëmb. Aty ka grumbuj gurësh dëshmi të jetesës së njerëzve vite më parë, mure, dysheme dhe tavane të mbetura përgjysmë, dëshmi e neje bote që se njohu asnjëherë “modernizimin”.