Pas tërmetit të fuqishëm prej 5.2 ballësh të rreth 10 ditëve më parë, qindra lëkundje të tjera janë ndjerë ditë pas dite.

Gjatë orëve të natës në disa zona të vendit janë ndjerë disa tërmete të njëpasnjëshme.

Vatra aktive mbetet sërish deti Adriatik, te Gjiri i Lalzit, aty ku ishte edhe epiqendra e tërmetit të madh të para pak ditëve.

IGJEUM ka regjistruar të paktën gjashtë tërmete gjatë orëve të natës me epiqendër Gjirin e Lalzit.

Lëkundja e fundit është ndjerë në orën 05:21. Këtë herë tërmetet nuk kanë qenë të forta dhe nuk raportohet për dëme materiale apo të lënduar.