Shkencëtarët thonë se fëmijët që kalojnë kohë duke luajtur me smartphone dhe tableta flenë më pak se fëmijët që nuk luajnë me to. 

Çdo orë e kaluar duke përdorur ekranin e telefonit apo tabletës çdo ditë do të thotë 15 minuta më pak gjumë. Studimi i i “Birkbeck”në Universitetin e Londrës ka anketuar 715 prindër të fëmijëve nën moshën tre vjeç.

Ata janë pyetur se sa shpesh fëmijët e tyre luajnë me telefon të mençur apo tabletë dhe si flenë. Rezultatet e studimit treguan se 75% e fëmijëve e kanë përdorur telefonin apo tabletin në baza ditore, me 51% të tyre të moshës mes 6 dhe 11 muajsh dhe 92% të tyre të moshës mes 25 dhe 36 muajsh.

Ndërkohë fëmijët që kanë luajtur me telefona apo tableta kanë fjetur më shumë gjatë ditës, e më pak gjatë natës.