Edhe pse keni ftohtë shumë në këto ditë dimri, mos u shqetësoni sepse edhe kjo e ka një të mirë. Sipas një studimi nga Universiteti i Gjenevës i ftohti ju ndihmon të bini në peshë.

Një studim i mëparshëm ka zbuluar se të ftohtit ka të njëjta efekte si aktiviteti fizik, pasi ofron mbrojtje kundër obezitetit dhe përmirëson shëndetin metabolik,

Hulumtuesit shkencorë nga Universiteti i Gjenevës kanë zbuluar se si ekspozimi ndaj të ftohtit alternon përbërjen e bakterit në zorrë, që e bën trupit që të djegë shtresat e depozituara dhjamore, përmirëson metabolizmin e glukozës dhe ndihmon për t’u dobësuar.

Ky zbulim i ri mund të sigurojë trajtime të reja për njerëzit mbipeshë ose obezë.

Profesori Mirko Trajkovski, i cili e udhëhoqi këtë studim, duke folur për “Western Daily Press” tha: “Kemi të dhëna bindëse se mikrobet e mira që gjenden në zorrë luajnë një rol kyç në aftësinë e njeriut për t’u adaptuar me mjedisin, duke rregulluar drejtpërdrejt energjinë tonë trupore”.

Sipas Profesorit, eksplorimi dhe testimi i këtyre mikrobeve mund të jetë një hap pozitiv për të parandaluar obezitetin dhe sëmundje që lidhen me metabolizmin.

Gjatë eksperimentit, dy grupe minjsh u ekspozuan respektivisht në temperaturat 6 dhe 22 gradë celcius, përgjatë 10 ditëve.

Minjt e ekspozuar në të fohtë shfaqën ndryshim të dukshëm të kompozimit të mikrobeve, duke parandaluar shtimin në peshë.

Bakteria e mirë e prodhuar nga minjt e ekspozuar në të ftohtë, u transplantua tek minjtë që jetuan në temperaturë të ngrohtë. Këto të fundit shfaqën përmirësim të glukozës në metabolizëm, rritje të tolerancës ndaj temperaturave të ulëta dhe rënie të shtresave dhjamore.