Në Kuvend u rikthyen replikat për çështjen e varreve greke, pasi PDIU-ja sërish kundërshtoi marrëveshjen e 2009-ës për kërkimin e varreve të ushtarëve grekë në vendin tonë. Ministria e Jashtme është e vendosur që gërmimet të mos fillojnë pa u përcaktuar një hartë nga Komisioni i Përbashkët, duke mos lejuar hapjen e varreve pa adresë. Sipas këtij dikasteri, “asnjë varr nuk do të konsiderohet se i përket ushtarëve grekë, pa medalionin dallues”.