Administrata shtetërore planifikon të rekrutojë 1082 persona gjatë vitit 2017. Kaq është numri i vendeve vakante në institucionet shtetërore, pjesë e shërbimit civil.

Këshilli i Ministrave miratoi në mbledhjen e djeshme planin vjetor të pranimit për vitin 2017 dhe përcaktoi edhe ndarjen sipas kategorive.

Për trupën e nëpunësve civilë të nivelit të lartë drejtues planifikohen 10 vende; për kategorinë e mesme drejtuese 85 vende; për kategorinë e ulët drejtuese 312 vende; për kategorinë ekzekutive 675 vende. Emërimet në çfarëdo insitucioni shtetëror do të bëhen nëpërmjet Departamentit të Administratës Civile.

VENDIMI

1. Numri i vendeve vakante të planifikuara për rekrutim gjatë vitit 2017 në institucionet e administratës shtetërore, pjesë të shërbimit civil, është gjithsej 1 082, i ndarë sipas kategorive të mëposhtme:

a) Për Trupën e Nëpunësve Civilë të Nivelit të Lartë Drejtues 10;

b) Për kategorinë e mesme drejtuese 85;

c) Për kategorinë e ulët drejtuese 312;

ç) Për kategorinë ekzekutive 675.

2. Grupet e administrimit të përgjithshëm dhe të posaçëm në kategorinë ekzekutive janë, si më poshtë: ­

Shkenca juridike;

Shkenca kompjuterike; ­

Audit i brendshëm; ­

Shkenca ekonomike; ­

Shkenca ekonomike/juridike; ­

Shkenca shoqërore; ­

Shkenca sociale; ­

Histori-­filologji; ­

Veterinari; ­

Agronomi; ­

Shkenca biologjike dhe të ngjashme me to; ­

Kimi; ­

Shkenca mjedisore ose të tjera të përshtatshme; ­

Shkenca inxhinierike; ­

Arkitekturë; ­

Arkeologji dhe restaurime; ­

Artet e bukura; ­

Gjeodezi; ­

Shkenca ekzakte; ­

Shkenca edukimi; ­

Mësuesi; ­

Arsim i lartë ushtarak/policor; ­

Arsim i lartë