Kompania shtetërore e naftës Albpetrol ka mbyllur në mënyrë të njëanshme marrëveshjet me koncesionarin TransAtlantic Albania për dy vendburime të rëndësishme të nëntokës shqiptare.

Në mars të këtij viti, Albpetrol njoftoi kompaninë se nuk kishte përmbushur detyrimet ndaj shtetit shqiptar në lidhje me vendburimet e naftës dhe gazit në Cakran-Mollaj dhe Gorisht-Kocul, të cilat do t’i rikthehen tashmë në administrim qeverisë shqiptare.

Detyrimet që TransAtlantic Albania ka ndaj kompanisë shtetërore të naftës Albpetrol arrijnë në rreth 20 milionë dollarë.