Të transformosh një kabinë telefoni në një muze. Pikërisht kështu ka ndodhur në një fshat në Yorkshire të Anglisë duke u krijuar ai që mund të konsiderohet muzeu më i vogël në botë.
Muzeu që ka tërhequr shumë vëmendjen në Warley ka vend vetëm për një vizitor, por pavarësisht hapësirës së kufizuar, muzeu përban një koleksion të sendeve personale e fotove që tregojnë historinë e fshatit.
Kabina është ringritur nga anëtarë të Shoqatës Komunitare të Warley (WCA), të cilët e përshtatën për të krijuar muzeun.
“Jetoj vetëm dy shtëpi larg dhe shumë njerëz kanë ardhur për ta parë” u shpreh Kathryn Gallagher nga WCA.
Shoqata Komunitare e Warley ka dërguar gjithashtu një aplikim që muzeu të përfshihet në Librin e Rekordeve Guinness.