Vajrat esencialë përdoren për kujdesin e lëkurës, për aromë madje edhe për trajtimin e një sër shqetësimesh. Më poshtë do të gjeni të listuara disa nga vajrat esencialë dhe terapia që bëjnë aromat e tyre.
- Ankthi
Vajrat esencialë të livandos, limonit jeshil, temjanit, trëndafilit e të tjerë ndihmojnë kundër atakut në zemër, ankthit, depresionit dhe kanë efekte qetësuese, duke ndihmuar në kthimin e humorit në të njëjtin kohë.
- Energjia
Vajrat e agrumeve, kedrit, xhenxhefilit, rozmarinës, kanellës, borzilokut mund të nuhaten ose pihen duke stimuluar gjendrat andrenale, qartësuar mendjen, larguar lodhjen dhe rritur nivelet e energjisë.
- Sëmundjet respiratore
Vajrat esencialë të limonit, eukaliptit, livandos, mentes dhe kanellës luftojnë bakteret dhe infeksionet. Nëse aroma e tyre çlirohet në shtëpitë tuaja, do të keni një ambient të pastër nga bakteret dhe viruset në ajër.
- Dhimbja e kokës dhe migrena
Nëse vuani nga dhimbjet e kokës ose migrena, fërkoni pjesët anësore të kokës ose pjesën e pasme të qafës me vaj esencial menteje dhe livandoje. Nëse vuani nga dhimbjet e kokës të shkaktuara nga tensioni i gjakut, bëni banjë me 5-10 pika me vaj livando të tretur në ujë. Dhimbjet e kokës nga sinoziti, nuhasni dhe fërkoni ballin me vaj eukalipti.
- Përdorni vajrat esencialë në shtëpi
Përzieni tre pika vaj limoni me vaj të pemës së çajit me pak ujë të ngrohtë dhe do të përfitoni një pastrues natyral. Vaji i karafilit me vajin e portokallit është perfekt për largimin e insekteve të dëmshme. Nëse kombinoni vaj eukalipti, vaj ananasi me vaj esencial të barit të bletës dhe vaj esencial limoni, do të përfitoni një lëng fantastik për spërkatjen e zonave të prekura nga mizat dhe insektet.
Burimi: AgroWeb
